6 hartu!
Joko hau Wolfgang Kramer-ek sortu zuen 1994. urtean, Alemanian. Jatorrizko izena 6 nimmt! da. Gaztelaniaz ¡Toma 6! izena du, eta frantsesez six qui prend! edo 6 qui prend! Irudiak José Luis Martín Montaño-k egin ditu 2025. urtean, Motrilen, Andaluzian.
Kartak baztertzeko joko honetan, eskuko kartak lerro desberdinetan jarri behar dira, baina 6. karta jartzea saihestuz! Karten hautapena sekretua eta aldi berekoa denez, kalkulatzaile on samarra izan beharko da hezurtegirik handienarekin bukatzea saihesteko.
Jokatzeko denbora 20 - 45 minutu artekoa da. Jokalari kopurua 2tik 10era da. Jokatzeko adina 10 urtetik aurrera da.
Osagaiak eta hasiera
Jokoa 104 kartako karta-sorta bat da, 1etik 104ra zenbakituak. Karta bakoitzak burezurrek adierazten duten balioa du:
5 zenbakian amaitzen diren kartek 2 burezur balio dute.
0 zenbakian amaitzen diren kartek 3 burezur balio dute.
11ren multiploak diren kartek 5 burezur balio dute.
55 karta 5ean amaitzen da eta 11ren multiploa da, beraz 7 burezur balio du.
Gainerako karta guztiek burezur bat balio dute.
Bi eta hamar arteko jokalarik har dezakete parte.
Karta-joko honen helburua partida amaieran ahalik eta burezur gutxien edukitzea da.
Arauak
Esku bakoitza lau lerroko zutabea egiten hasten da ausaz ateratako lau kartarekin. Ondoren, jokalari bakoitzari 10 karta emango zaizkio ausaz, beraz, 10 txanda egongo dira esku bakoitzeko.
Txanda bakoitzean, jokalari bakoitzak karta bat aukeratzen du ezkutuan, mahai gainean ahoz behera jarrita, eta aukeratutako karta guztiak daudenean, aldi berean ezagutarazten dira.
Ondoren, hautatutako kartak ilararen muturretan jartzen dira, kartarik txikiena aukeratu duen jokalaria hasiz eta hautatutako kopururik txikienetik handienerako hurrenkeran jarraituz, bi arau hauek betez:
- Goranzko ordenan jarri behar dira beti.
- Jokatu nahi diren kartak hurbilen dagoen mahaiko kartaren ondoan jarri behar dira beti. Adibidez, lerro bateko azken karta 70 bada eta beste lerro batekoa 72 bada eta jokalariak 75 karta jarri nahi badu, 72 kartaren ondoren egin beharko du, gertuago dagoelako.
Denbora bat igaro ondoren, lerro batzuek 5 karta izango dituzte (ilara beteta dagoela esaten da). Jokalarietako batek bere karta lerro bateko seigarren posizioan jarri behar duenean, lerroko 5 kartak hartu beharko ditu eta berea lehenengo postuan jarri sekuentzia berri bati hasiera emateko. Txandan hartutako kartak aurreko txandetan hartutakoekin batera pilatuko ditu bere ondoan.
Jokalari batek mahai gainean dauden lau lerroetako azken kartak baino karta txikiagoa aukeratu duenean, berak aukeratzen duen lerroko karta guztiak hartuko ditu (ahal bada burezur gutxien duena) eta bere karta karta horien lekuan jarriko du sekuentzia berri bati ekiteko.
Esku bakoitzaren amaieran, jokalariek koaderno batean idatziko dute beren burezur kopuru osoa, eta aurreko eskuetan lortutakoei gehituko zaie. Inor ez bada 66 burezurrera iritsi, esku berri bat hasten da. Behar adina esku jokatuko dira jokalariren batek 66 ka burezur batu arte.
Partida jokalari bat edo batzuk 66 burezurretara iristean edo horiek gainditzean amaitzen da. Partida irabaziko du burezur gutxien duen jokalariak.
Esku oso baten adibidea
 |
 |
 |
| A jokalariak lau karta jarri ditu mahai erdian ahoz gora eta, ondoren, hamarna karta banatu dizkie jokalariei. 50 karta eskutik kanpo geratu dira. Jokalariek karta bana aukeratu dute. | Jokalariek aukeratutako kartak ahoz gora jarri dituzte: A (33) jokalaria hasiko da; ondoren, C (35), B (49), E (55) eta D (93) jokalariek jarriko dituzte beraienak. | Jokalariek kartak lerroetan jarri dituzte eta bigarren karta aukeratu dute. |
 |
 |
 |
| Jokalariek aukeratutako kartak ahoz gora jarri dituzte: C (42) jokalaria hasiko da; ondoren, E (53), D (57), A (58) eta B (60) jokalariek jarriko dituzte beraienak. (A-0, B-0, C-0, D-0, E-0) | Jokalariek kartak lerroetan jarri dituzte eta hirugarren karta aukeratu dute. Hirugarren lerroan 5 karta daude. Horretan hurrengo karta jartzen duenak aurrekoak eramango ditu. | Jokalariek aukeratutako kartak ahoz gora jarri dituzte: A (6) jokalaria hasiko da; ondoren, D (44), C (94), E (96) eta B (98) jokalariek jarriko dituzte beraienak. |
 |
 |
 |
| A jokalariak bigarren lerroko kartak (3 burezur) hartu ditu eta horien ordez bere karta (6) jarri du, lerroetako azken kartak baino txikiagoa zelako. Ondoren, laugarren karta aukeratu dute. Hirugarren eta laugarren lerroetan 5 karta daude. Horietan hurrengo kartak jartzen dituztenek aurrekoak eramango dituzte. (A-3, B-0, C-0, D-0, E-0) | Jokalariek aukeratutako kartak ahoz gora jarri dituzte: A (8) jokalaria hasiko da; ondoren, B (9), C (10), E (14) eta D (16) jokalariek jarriko dituzte beraienak. | D jokalariaren karta (16) bigarren lerroko seigarren karta da; beraz, aurreko guztiak eraman ditu (7 burezur). Ondoren, bosgarren karta aukeratu dute. (A-3, B-0, C-0, D-7, E-0) |
 |
 |
 |
| Jokalariek aukeratutako kartak ahoz gora jarri dituzte: E (2) jokalaria hasiko da; ondoren, A (18), C (20), B (26) eta D (38) jokalariek jarriko dituzte beraienak. | E jokalariak bigarren lerroko karta (burezur 1) hartu du eta horren ordez bere karta (2) jarri du, lerroetako azken kartak baino txikiagoa zelako. Ondoren, seigarren karta aukeratu dute. Lau lerroetan 5 karta daude, beteta daude. Horietan hurrengo kartak jartzen dituztenek aurrekoak eramango dituzte. (A-3, B-0, C-0, D-7, E-1) | Jokalariek aukeratutako kartak ahoz gora jarri dituzte: A (22) jokalaria hasiko da; ondoren, B (28), C (36), D (39) eta E (74) jokalariek jarriko dituzte beraienak. |
 |
 |
 |
| A jokalariak bigarren lerroko kartak (7 burezur) hartu ditu eta horien ordez bere karta (22) jarri du, lerroetako azken kartak baino txikiagoa zelako. E jokalariaren karta (74) hirugarren lerroko seigarren karta da; beraz, aurreko guztiak eraman ditu (13 burezur). Ondoren, zazpigarren karta aukeratu dute. Lehenengo eta laugarren lerroetan 5 karta daude. Horietan hurrengo kartak jartzen dituztenek aurrekoak eramango dituzte. (A-10, B-0, C-0, D-7, E-14) | Jokalariek aukeratutako kartak ahoz gora jarri dituzte: D (67) jokalaria hasiko da; ondoren, E (77), B (80), C (81) eta A (87) jokalariek jarriko dituzte beraienak. | D jokalariaren karta (67) lehenengo lerroko seigarren karta da; beraz, aurreko guztiak eraman ditu (14 burezur). Ondoren, zortzigarren karta aukeratu dute. Hirugarren eta laugarren lerroetan 5 karta daude. Horietan hurrengo kartak jartzen dituztenek aurrekoak eramango dituzte. (A-10, B-0, C-0, D-21, E-14) |
 |
 |
 |
| Jokalariek aukeratutako kartak ahoz gora jarri dituzte: C (3) jokalaria hasiko da; ondoren, A (62), D (68), B (71) eta E (76) jokalariek jarriko dituzte beraienak. | C jokalariak lehenengo lerroko karta (burezur 1) hartu du eta horien ordez bere karta (3) jarri du, lerroetako azken kartak baino txikiagoa zelako. D jokalariaren karta (68) hirugarren lerroko seigarren karta da; beraz, aurreko guztiak eraman ditu (9 burezur). Ondoren, bederatzigarren karta aukeratu dute. Hirugarren eta laugarren lerroetan 5 karta daude. Horietan hurrengo kartak jartzen dituztenek aurrekoak eramango dituzte. (A-10, B-0, C-1, D-30, E-14) | Jokalariek aukeratutako kartak ahoz gora jarri dituzte: B (15) jokalaria hasiko da; ondoren, C (24), A (63), D (72) eta E (85) jokalariek jarriko dituzte beraienak. |
 |
 |
 |
| Kartak jarri ondoren, hamargarren karta baino ez zaie geratzen. Lehenengo, hirugarren eta laugarren lerroetan 5 karta daude. Horietan hurrengo kartak jartzen dituztenek aurrekoak eramango dituzte. (A-10, B-0, C-1, D-30, E-14) | Jokalariek azkeneko kartak ahoz gora jarri dituzte: A (66) jokalaria hasiko da; ondoren, B (83), E (89), D (95) eta C (99) jokalariek jarriko dituzte beraienak. | A jokalariak bigarren lerroko kartak (5 burezur) hartu du eta horien ordez bere karta (66) jarri du, lerroetako azken kartak baino txikiagoa zelako. B jokalariaren karta (83) lehenengo lerroko seigarren karta da; beraz, aurreko guztiak eraman ditu (6 burezur). E jokalariaren karta (89) hirugarren lerroko seigarren karta da; beraz, aurreko guztiak eraman ditu (11 burezur). C jokalariaren karta (99) laugarren lerroko seigarren karta da; beraz, aurreko guztiak eraman ditu (9 burezur). (A-15, B-6, C-10, D-30, E-25) |
|
Esku bukaeran honela geratu da burezurren bilketa: A jokalariak 15 burezur; B jokalariak 6 burezur; C jokalariak 10 burezur; D jokalariak 30 burezur; E jokalariak 25 burezur. Horiek guztiak aurreko eta hurrengo eskuetan lortutakoei batuko zaizkie. |
 |
Aldaerak
Taktikoa
Arau-multzo horretan, jokoan dagoen karta kopurua bakarrik aldatzen da (jokatzen ari den pertsona kopuruan oinarrituta); hortik aparte, arauak berdinak dira.
Karta kopurua jokalarien kopurua bider 10 gehi 4 da (5 jokalari = 1-54 karta, 6 jokalari = 1-64 karta, etab.). Zenbaki horretatik gorako kartak jokotik kentzen dira. Beraz, joka daitezkeen karta guztiak iritsiko dira noizbait mahaira.
Horrek estrategia aldatzen du, errazago delako falta diren kartak gogoan izatea; eta, beraz, are garrantzitsuagoa da jokatzeke dauden kartetan arreta jartzea.
Logikoa
Aldaera taktikoaren arau berberak aplikatzen ditu, arau gehigarri honekin: eskuaren hasieran karta guztiak mahai gainean jartzen dira ahoz gora. Jokalariak txandakatu egiten dira kartak banan-banan aukeratzeko, eskua hasi aurretik eskuak eraikitzeko. Gainerako lau kartek irteera-zutabea osatzen dute.
Profesionala
Kartak mahaiko lerroen ezkerrean zein eskuinean jokatzen dira. Karta bat jartzeko aukera bat baino gehiago dagoenean, karta berria hurbilen dagoen mahaiko kartaren ondoan jarriko da, lerro baten hasieran edo beste baten amaieran.
Jarri nahi den karta berria mahaiko lerroko seigarrena bada, lerro baten hasieran edo amaieran, jokalariak lerroko bost kartak hartuko ditu eta bere karta lerroko abiapuntu berria izango da.