Osagaiak eta hasiera

Jokoa hexagonoen eraztun zentrokideetan antolatutako 91 hexagonoko taula hexagonal batean jokatzen da.

Jokalari bakoitzak 6 fitxa eta dama bat dauzka. Partidaren hasieran damak eta fitxak taularen kanpoko eraztunean daude.

Helburua erregina erdiko hexagonora eta fitxak aldameneko hexagonoetara eramatea da.

Arauak

Jokalariek txandaka jokatuko dute. Hasierako mugimendua zozketatuko da.

Fitxak hexagono batetik ondoko hexagono batera mugitzen dira, zentro aldera edo kolore bereko hexagono batera. Ezin da atzera mugitu (zentrotik urrundu) (1).

Aurkariaren bi fitxa artean, hiru fitxako lerro zuzen bat osatuz, geratzen den edozein fitxa, erregina izan ezik, taulatik atera beharko da hurrengo txandarako, eta fitxa horren jokalariak, hurrengo txandan, kanpoko eraztuneko edozein hexagono hutsetan kokatuko du, baina ezin da aurkariaren fitxa bat harrapatzeko posizioan jarri (2).

Erregina aurkariaren bi fitxen artean geratzen bada, hiru fitxako lerro zuzen bat osatuz, hurrengo txandan hortik kendu beharko da, baina bere jokalariak taulako edozein hexagono hutsetan jar dezake, zentroan izan ezik (3).

Aldi berean bi edo fitxa gehiago badaude kanporatzeko, erregina kanporatu behar da lehenago; besteak harrapatutako fitxen jokalariak nahi bezala atzeratuko ditu.

Erregina baino ezin da zentroan egon.

Ezin da fitxa bat aurkariaren bi txaren artean sartu hiruko lerro zuzen bat osatuz.

Ukitutako fitxa mugitu behar da derrigorrez, edo txanda galduko da.

Jokalari batek sei fitxak erdian jartzen baditu, erregina kanpoan utzita, jokalari horrek jokoa galduko du, bioi jokoaren helburua betetzea galarazten baitie.

Bere fitxa guztiak erdialdean, erregina zentroan eta gainerako fitxak inguruan, kokatzen dituen lehen jokalariak irabaziko du.

Aldaerak

Jokalariek adosten badute, fitxak, txandaka, taulan jartzen dira jokalari bakoitzak nahi duen leku hutsean. Fitxa guztiak taulan jarri eta gero, txandaka hasiko dira mugitzen. Horrela ere bi aukera daude; aukera askeagoa erregina nahi den hexagonoan jartzea da eta, aukera murriztuagoa erreginak aurrez aurreko erpinetan jartzea.

Aholkuak

Ez da abantailarik irabaziko, aitzitik, sarritan, galera bat gertatuko da, aurkariaren pieza bakar bat atzera bidaltzean, atzera bidalitako piezak zegoen posizioa baino posizio askoz hobea lor dezakeelako.

Erregina ez da azkarregi zentrora eraman behar, bertan (mugimendurik gabe, kanporatzen ez bada) haren erabilgarritasuna galtzen baitu.

Jokalariak saiatu behar du halako posizioa lortzen, non hurrengo mugimenduetan aurkariaren hainbat fitxa atzera bidaliko dituen, eta, orduan, bere fitxak aurreratu aurkariak haren lekura iritsi baino lehen.

Irabazteko bide ziurrena aurkariaren fitxak ahalik eta azkarren zentro aldean biltzea da, eta aldi berean halako posizio bat lortuz aukera izan bezain laster aurkariaren fitxak bata bestearen atzetik atzera bidaltzeko.

Erregina zentroan duen jokalari bat ez bada gai irabazteko, maiz, bere fitxa bat aurkariaren kontra ekarriz bidea ireki dezake, halako moduan non haren erregina atzera bidali behar bada, hark beste pieza bat atzera bidal dezakeen trukean. Hortaz, erreginak atzera bidaltzean, arretarik handiena beharrezkoa da beti.

Jokalariak onuragarri ikus dezake bere fitxa bat zentrotik aurkariaren fitxa guztiak baino urrunago izatea; fitxa horrek, ordea, zentrora jotzeko moduko posizioan egon beharko du partidaren bukaera hurbiltzen denean.

Irudiko posizioan fitxa berdeek galduko dute, fitxa horiak gai baitira aurkariaren fitxa guztiak banan-banan atzera bidaltzeko. Baina oso azkar mugitu behar dira zentro aldera, ezinezkoa delako erregina berdea atzera bidaltzea, jokoa berriz irekitzeko arriskua izan gabe.

Iturriak

Robert Charles Bell: The Boardgame book. Marshall Cavendish Editions, Londres, 1979.

Jean-Marie Lhôte: Histoire des jeux de société. Flammarion, Paris, 1994.

Robert Kemp Philp: Family pastime or Homes made happy. Houlston & Stoneman, Londres, 1852. (https://books.google.es/books?id=sD4CAAAAQAAJ&pg=PA27&source=gbs_selected_pages&cad=2#v=onepage&q&f=false, 2021-01-10)

Eskuko arauak