Osagaiak eta hasiera

Joko-eremuak 7×7 zuloko taula da. Erdiko zuloa gorriz eta erpinetako lau zuloak urdinez markatuta daude; horrez gain, erpinetako 2×2 zuloko karratuak marra gorriz banatuta daude.

Hogeita launa bolatxo berde eta gorri daude, bi ontzitan.

Bi matxarda, berdea eta gorria, erabili ohi dira bolatxoak mugitzeko.

Jokalari bakoitzak bere bolatxoak jan behar ditu jokoaren bukaera bat lortzeko: zentroa, angelua edo gurutzea.

 

Arauak

Ontziak taula gainean husten dira bolotxoak zoriz bana daitezen taula gainean, behar izanez gero, taula astinduz.

Bere bola taularen zentroan duen jokalaria hasiko da, bola hori hutsik geratu den zuloan jarriz.

Jokoan, norberaren bolatxoak jan eta taulatik kanporatu behar dira.

Kanporatzea: bolatxo bat kanporatzeko, nahikoa da alboan dagoen bolatxo batekin gainetik jauzi egitea beste aldean dagoen zulo huts batera. Jauzia horizontalean, bertikalean edo diagonalean egin daiteke, aurrera edo atzera, gora edo behera, ezkerrera edo eskuinera.

Jokalari batek jokatzen segitu ahal izango du bere bolatxoak kanporatzen dituen bitartean. Ondoren, beste jokalaria arituko da.

Berreskuratzea: Jokaldi jarraituetan ondoz ondoan zeuden bolatxo guztiak kanporatu direnean, jokatzen segitzeko sakabanatuta dauden bolatxoak kanporatu behar dira. Horretarako, kanporatutako bolatxo bat berreskuratzen da eta kolore bereko bolatxo baten ondoan jartzen da.

Liburuxkak ez du argi esaten hori nola gauzatzen den. Bi aukera egon daitezke:

Bolatxoa berreskuratzen den txanda berean, hau da, berreskuratu eta berehala, bere koloreko bolatxoak kanporatzen hasten da eta bolatxo gehiago kanporatzerik ez dagoenean, txanda bukatzen da.

Bolatxoa berreskuratzen denean txanda bukatzen da. Hurrengo txandan hasiko da jokalaria bolatxoak kanporatzen.

Dena dela, bolatxoak berriro kanporatzen hasten denean, geratzen zen bolatxo bat edo berreskuratutako bolatxo bera kanpora daitezke.

Sakabanatutako bolatxoak jateko, edozein norabidetan eta noranzkotan egin daiteke, horizontalean, bertikalean edo diagonalean. Eta norabidea alda daiteke edozein urratsetan.

Liburuxkak berreskuratze kateatu deitzen dion mugimendu baten adibide bat ematen du; baina ez da argi geratzen zer egin behar den. Urrun dauden bi bolatxoetako bat kanporatzeko, hainbat bolatxo berreskuratzen dira, baina ez dago argi txanda berean egiten den, edo hainbat txandatan.

 

 

 

 

 

 

 

 

 

Bukaerak: jokoaren bukaerak zentroan, erpinetan edo gurutzean izan daitezke.

Jokalari bat irabazitakoan, bestea jokaldi bakar batekin bukaera bat lortzeko moduan geratu bada, ohorez galduko du eta apustuen erdia bakarrik sorraraziko du.

Apustuen taula:

Zentroa: apustu arrunta.                                                                           Gurutzea eta zentroa: apustu hirukoitza.

Erpinak: apustu bikoitza.                                                                          Karratua: 10 bider.

Gurutzea: apustu bikoitza.                                                                       Gurutze txikia: 10 bider.

Erpinen ondokoak : apustu hirukoitza.                                                   Erpin bikoitzak: 50 bider.

Erpinak eta zentroa: apustu hirukoitza.                                                 Zirkulua: 100 bider.

 

 

 

 

 

 

 

 

 

 

 

 

 

Aldaera

Cha-cha-cha izeneko bakar-jokoan aritzeko, marra gorriz bereizitako erpinetako hamasei zuloak ez dira kontuan hartuko eta 32 bolatxo erabiliko dira.

Iturriak

Eskuko liburuxka.

 

Wikipedia (eu)