Osagaiak eta hasiera
Taula zortzi erpineko izarra da. Izarraren erpinei kewai deitzen zaie eta izarraren zentroari pūtahi. Jokalari bakoitzak kolore bereko lau perepere ditu.
Perepereak erpinetan kokatzen dira, jokalari bakoitzarenak ondoz ondoko erpinetan.
Arauak
Perepere urdinak dituena hasiko da.
Perepereak honela mugituko dira:
a) Kewai batetik pūtahira, baina aldameneko bi erpinetako batean edo bietan aurkariaren perepere bat edo bi daudenean soilik.
b) Kewai batetik bere ondoko beste kewai huts batera.
c) Pūtahitik kewai batera.
Kewaietan eta pūtahin perepere bat bakarrik egon daiteke.
Perepereek ezin dute beste perepere baten gainetik jauzi egin.
Irabazteko aurkariaren perepere guztiak gelditu behar dira, mugitzeko aukerarik gabe utziz.
Irudian, perepere berdeek urdinak geldiarazi dituzte.