quoridor
Osagaiak eta hasiera
Jokoa 9×9 lauki eta 8×8 korridore dituen taula batean jokatzen da.
Bi edo lau jokalarirentzako jokoa da. Jokalari bakoitzak 10 (edo 5) hesi eta peoi bat ditu. Partidaren hasieran hesiak taulatik kanpo daude, gordelekuan. Jokalariek beren peoia irteera-lerroaren zentroan kokatuko dute.
Jokalariek peoia aurkariaren lerrora eraman behar dute.
Arauak
Zozketaz erabakiko da zein hasiko den, eta gero, txandaka arituko dira.
Hasteko, bere txandan jokalari bakoitzak bere peoia mugitzea edo hesi bat jartzea aukera dezake. Bere hesi guztiak jadanik jarri baditu, peoia mugitu baino ezingo du egin.
Peoiak laukiz lauki mugi daitezke, ezker-eskuin edo aurrera-atzera. Peoiek ezin dute hesi baten gainetik jauzi egin.
Hesiak korridoreetan bi lauki hartuz kokatzen dira. Aurkaria motelago aurreratzeko erabiliko dira, eta ezingo da aurkariaren peoiaren bidea zeharo itxi, beti utzi beharko zaio irtenbide bat.
Peoiak aurrez aurre daudenean ondoz ondoko bi laukitan, eta hesirik gabe bion artean, txanda duen peoiak bestearen gainetik egin dezake jauzi. Jauzi nahi den peoiaren atzean hesi bat badago, jauzi nahi duen peoia beste peoia saihets dezake alboko laukietara aurrera eginez diagonalean.
Partida bukatuko da jokalari bat bederatzigarren lerroaren lauki batera iristen denean.
Aldaerak
Jokoan lau jokalari ari direnean, peoia taularen lehen lerroen erdiko laukian jarriko dituzte eta bosna hesi hartuko dituzte.
Gainerako arauek berdin diraute, baina ezin da jauzi egin bi edo peoi gehiagoren gainetik.